【恭喜我，城寨英雄終於做完】
今晚係咩日子？就係城寨英雄大結局既大日子！
啪啪啪！唔睇電視既我都感到格外高興
因為，我有一個好鍾意睇電視既男朋友。
自從城寨英雄既出現
麥仔就好似一個迷上韓劇既師奶
每晚九點半到十點半就會消失於世界上
然後又會不自覺同我講起牙佬同拳佬點點點點
有時喺公司會睇到麥仔同兩個男同事一齊討論起劇情
我感覺到我身邊既男性都忽然變左小師奶
甚至，我會不時被攻擊
頭幾次麥仔會忽然大嗌「猛虎硬爬山」就一野打落我個頭到
完全唔睇電視唔知發生咩事既我就會啤爆佢
到後來經過佢不斷同我講，我終於了解大概係咩一回事
就變左我忽然會大嗌「猛虎硬爬山」然後轟落去
所以呢一個月我地不時會演起打交既戲碼
眼見男朋友深深陷入電視劇中
鍾意牙佬拳佬多過我，
我為佢終於做完可以還番個男人畀我表示高興
尋日我同麥仔講「好野終於做完！」
佢話：「唔係呀之後睇o雪o雪o雪做巨輪」
血已噴！
Search